Mae Gogledd Cymru'n baradwys i rwyfwyr. Rydym wedi'n hamgylchynu gan rai o'r dyfroedd gorau yn y DG ar gyfer rhwyfo. Mae'r traethau syrffio, y clogwyni mor, y rasys llanwol a'r ynysoedd bychain oddi ar Ynys Mon a Phenrhyn Llyn, ac afonydd dŵr gwyn a llynnoedd Eryri, i gyd ar garreg ein drws.

Felly, pa un ai ydych yn rhwyfwr dibrofiad, am ennill cymwysterau hyfforddi neu am ymuno ag un o'n hamrywiaeth helaeth o deithiau, does dim raid i chi chwilio ymhellach am y profiad rhwyfo gorau un.

Rydym yn hyderus y byddwch yn gwneud cynnydd nodedig gyda ni - wedi derbyn hyfforddiant o safon mewn amgylchedd diogel, ymlaciol. Bob blwyddyn rydym yn gwella ein fflyd o gaiacs, felly gallwch fod yn sicr y byddwch yn rhwyfo'r offer mwyaf modern bob amser.

Ar Gyfer Grwpiau: Os hoffech chi i gwrs neu daith benodol gael ei threfnu ar gyfer grŵp, cysylltwch â ni a byddwn yn fwy na pharod i’ch helpu chi.

Dyfarniadau Seren UCP: Mae cyrsiau hyfforddi ac asesu dyfarniadau Seren UCP ar gael yn awr ar gais ar gyfer grwpiau o bedwar neu fwy. Cysylltwch â’r adran archebu am ragor o wybodaeth.

Llwybr Caiacio: Am gyfarwyddyd ynghylch pa gwrs sydd fwyaf addas i chi, edrychwch yn ein dogfen Llwybr Caiacio, sy’n amlinellu’r cynnydd mewn perthynas â’r cyrsiau rydym ni’n eu cynnig. Fel dewis arall, os ydych chi dal yn ansicr, cysylltwch â’r ganolfan a siaradwch gydag un o’n hyfforddwyr caiacio ni.